Temaskildring

​

​

Tema for Røyst #25

"Etter krisen"

Når blir krisa ein normaltilstand? Finst det ein normaltilstand etter krisa? Krise og kritikk er nært knytt saman etymologisk, frå gresk krinein, å skilje, å avgjere, men nemner òg stadiet i prosessar der ein må ta ei avgjerd. Kriser oppstår med jamne mellomrom, dei er interessante i seg sjølve, men konsekvensane av krisene og tanken om kva som kjem etter krisa, er både ei mental øving og ein viktig refleksjon over kva som blir den nye normaltilstanden når den neste krisa ein gong kjem.

Kva skjer etter krisa?

 

Tema for Røyst #26
"Dissidentar"

Ein dissident kan forståast som ein person som har ei anna oppfatning av eller som motarbeider den etablerte politikken. Med andre ord er ein dissident ein person som står i opposisjon til det etablerte, og til skilnad frå ein person som går i eksil, blir dissidenten verande i samfunnet for å påverke det innanfrå. Difor er dissidenten heilt avgjerande for ein levande samfunnsdiskurs og eit reelt mangfald av meiningar.

Korleis opplevast det å vere ein dissident, og kva kostar det? I denne utgåva har redaksjonen reist til Paris – den intellektuelle hovudstaden i Europa – for å utforske kva rolle dissidentane spelar i ordskiftet.

Bon voyage dans la lecture de ce numéro!

 

Alt dette er berre forslag til kva ein kan skrive om. Dersom du har ein tekst eller ein idé, send han gjerne inn til: post@royst.no. 

 

Vi tek óg imot illustrasjonar, fotografi og skjønnlitterære tekstar.